მოგესალმებით ECDL ტესტირების ცენტრის საიტზე

ECDL (European Computer Driving Licence, ევროპული კომპიუტერული მართვის მოწმობა) - ეს არის პერსონალურ კომპიუტერის მომხმარებელთა მსოფლიოში აღიარებული სერთიფიცირების პროგრამა.

სერთიფიცირება მთელს მსოფლიოში ხდება ერთიანი სტანდარტის მიხედვით, საერთაშორისო სერთიფიკატები რომლებიც გაიცემა, აღიარებულია 150-მდე ქვეყანაში. ECDL სერთიფიკატი ეს არის ცოდნის შეფასების ერთიანი ევროპული ხარისხი, აღიარებული სტანდარტი ევროპასა და აშშ-ში, რომელიც ადასტურებს, რომ მისი მფლობელი იცნობს საინფორმაციო ტექნოლოგიების ძირითად პრინციპებს, შეუძლია პერსონალურ კომპიუტერზე მუშაობა და საბაზისო პროგრამების გამოყენება.

ECDL როგორც კომპიუტერული ცოდნის შეფასების სტანდარტი აღიარებულია ევროკომისიის, იუნესკოს, ევროპის ინფორმატიკის საზოგადოების, მრავალი ქვეყნის განათლების სამინისტროების მიერ. სერთიფიცირება ხორციელდება ECDL ფონდის მიერ ავტორიზებული ტესტირების ცენტრების მეშვეობით, რომელთა რიცხვს მიეკუთვნება ჩვენი ცენტრიც.